|
|
كل ما نسنس من الغرب هبوب
حمّل النسمة سلام
وان لمحت سهيل في عرض الجنوب
عانق رموز الغرام
لك حبيب ما نسى
كلمته دايم عسى
اطلب الله وارتجيه
صبح يومي والمسا
كل زينه شاهده وأنتم بعيد
منوتي ليتك معي
وإن سهرت الليل أهوجس بك وأعيد
هل لاجلك مدمعي
انت هاجس خاطري
وانت فرحة ناظري
يا قريب ويا بعيد
فيك أمسي وحاضري
نشوتك تلعب مع قطر المطر
وانتشى قطره معك
و السحاب يطاردك بين الشجر
الخالق الزين أبدعك
والندى في وجنتك
صار عطر بلسمتك
والهوى غنى طرب
تستثيره بسمتك
كل ما ضمت عيوني منك طيف
يا بعد كل الطيوف
قلت ما مثلك على الدنيا وصيف
لا حشا مالك وصوف
لا سحاب ولامطر
ولا نسيم ولازهر
ولا طيور ولا غزال
ولا مع باقي البشر