|
|
يسألوني ليه احبك حب ماحبه بشر
وليه انتي في حياتي شمسها وانتي القمر
وليه صوتك لي وصل صحراي يملاها الزهر
علميهم يالحبيبه آه يااغلى حبيبه
يسألوني وليتهم مثلي يعيشون الهوى
الاصابع في اليدين الواحده ماهي سوى
عندهم حـــبك طبيعـي وعندي فوق المستوى
اعذريهم يالحبيبه آه يااغلى حبيبه
يسألوني وفي شفاتي يرتعش حر الجواب
مادروا انتي بحياتي راحتي وانتي العذاب
وانتي حلمي اللي عشقته وطار بي فوق السحاب
خبريهم يالحبيبه آه يااغلى حبيبه
يسألوني وانتي اكبر من سوالفهم جميع
وانتي أجمل ماخلق ربي بذا الكون الوسيع
ودي اتلاشى من دون عيونك الخجلى اضيع
علميهم يالحبيبه آه يااغلى حبيب